/n. n. 6/ vitae discrimini exponere
te minime tergiversatus es, tanti tibi
perire fuit dum disceres? quid vero
Hieronymus noster, Ecclesiae et columen
firmissimum et lumen clarissimum?
numquid ille sese ab omni hominum
societate subduxit, in solitudinem
secessit, ut commodius tranquilliusque
studiis inhiare, heluari libros
chartisque posset impallescere? nonne
idem, ut Hebraea et Chaldaica facilius
et aptius proferret, dentes lima detrivit
polivitque? Haec ego cum cogitatione
repeterem altiori, cupiditate
quadam et dulcedine, nescio an deceptus,
captus certe sum imitandi. Itaque,
Iurisprudentiae ac Theologiae studiis in
Parthenopeo et Patavino Circo decursis,
reliqua fere omnia literarum
exercitationum per totum Europaeum orbem
erecta Theatra, Amphitheatra Circosque
duxi frequentandos; nec me
suscepti paenitet laboris. Nam, licet corpus